आडव्या आणि उभ्या रेषा

आडव्या रेषा म्हणजे शिरोरेषा व उभ्या रेषा म्हणजे दंड असे म्हणता येईल. हा अवयव सुलेखनात सर्वांत महत्त्वाचा अवयव समजला जातो. खाली दाखविल्याप्रमाणे किमान 8 ते 10 ग्राफपेपरवर अशा प्रकारचा सराव केल्यास प्रत्येक अक्षरांचे दंड आणि शिरोरेषा काटकोनात व एका ओळीत येण्यास मदत होईल. प्रत्येक दंडामधील अंतरही सारख्या प्रमाणात ठेवण्याचा प्रयत्न करा. सराव करताना रेषा डावीकडून उजवीकडे आणि वरून खाली अशा काढाव्यात.